БҰҰ-ның Ұлттар лигасы тағдырын қайталау қаупі бар — Мәулен Әшімбаев

Біріккен Ұлттар Ұйымының Ұлттар лигасы тағдырын қайталау қаупі бар. Мұндай пікірді Сенат төрағасы Мәулен Әшімбаев «Время» газетінде жарияланған мақаласында білдірді. 

— Әлем індеттен жаңарып шықты — біздің көз алдымызда жаңа дәуір парадигмасы қалыптасып келеді. Оның айқындаушы трендтері қандай болатынын болашақ көрсетеді. Бірақ жаңа заманға тән кейбір белгілер қазірдің өзінде айқын, — деді ол.

Сенат төрағасының атап өтуінше, олардың бірі — жаһандану дағдарысы және оның жаңа принциптерге қайта форматталуы. Бұл әлемдік интеграция қарқынының баяулауы, ұлтшылдықтың күшеюі, протекционизмнің артуы, еркін сауда принциптерінен алшақтау мен сауда соғыстары аясындағы геосаяси шиеленістен көрінеді.

— Бұл процестің бір бөлігі мүше мемлекеттер тарапынан сенім деңгейінің төмендеуі мен жаһандық мәселелерді шеше алмауынан көрінетін жетекші халықаралық институттардың дағдарысы болды. Бір кездердегі беделді БҰҰ қазіргі жағдайында Ұлттар лигасының тағдырын қайталау қаупі бар. Дүниежүзілік денсаулық сақтау ұйымы пандемия сынақтарына төтеп бере алмады және Дональд Трамп билікке келгеннен кейін АҚШ ұйымнан шығатынын жариялады. Дүниежүзілік сауда ұйымы геосаяси қақтығыстар жағдайында елдер арасындағы дауларды шешудің төрешісі ретінде тиімсіз