«Ахматтың» күлі көкке ұшты: Соққыдан кейін тек Алаудиновтың кітабы ғана «аман» қалды
Өткен түнде Украина Қарулы Күштері Ресейдің «Ахмат» арнайы бөлімшесінің уақытша орналасу пунктіне жойқын соққы берді. Желіде тараған видео кадрларынан ғимараттың толықтай үйіндіге айналғанын көруге болады https://t.me/haqqin_azz/188227 Бір қызығы, от пен темірдің ортасында тек бөлімше командирі Апти Алаудиновтың қаламынан шыққан діни-саяси кітап қана бүлінбей қалды.
Түнгі соққы және «темірдей» шындық
Әлеуметтік желілерде тараған бейнежазбада ресейлік сарбаздың қираған нысанды аралап жүріп, соққының салдарын сипаттағаны бейнеленген. Кадрдан ғимараттың іс жүзінде жойылып кеткенін, техникалар мен жабдықтардың жарамсыз болып қалғанын көруге болады. Сарбаздың айтуынша, бұл жерде «Ахмат» батальондарының бірі орналасқан.
Алайда, видео авторын таңғалдырғаны соққының қуаты емес, үйінді астынан табылған бір зат болды. Ол — «Ахмат» бөлімшесінің қолбасшысы Апти Алаудиновтың «Иса әскерінің дәжжал-антихрист әскеріне қарсы шайқасы» (Войско Иисуса в битве против войска даджаля-антихриста) атты кітабы.
Ирония мен идеология
Сарбаз видеода бұл жағдайды ащы ирониямен жеткізеді. Бөлімшенің жеке құрамы мен инфрақұрылымы ауыр шығынға ұшырағанда, «қасиетті шайқас» туралы жазылған еңбектің аман қалуы желі қолданушылары арасында қызу пікірталас тудырды.
Соғыс алаңындағы жағдай
Ерік Қайратбекұлы Құнанбай қажы атындағы «Алаш аудармашылар одағы» Қоғамдық Қорының төрағасы, тәуелсіз саясаттанушы: «Бұл оқиға Украина Қарулы Күштерінің Ресей армиясының тыл бөлімшелері мен резервтерін нысаналы түрде жою стратегиясының бір бөлігі екенін көрсетеді. Соңғы апталарда Украина тарапынан Ресейдің жеке құрамы шоғырланған нүктелерге дәлдігі жоғары қарулармен (HIMARS және т.б.) соққы беру жиілеген.
Әзірге Ресей Қорғаныс министрлігі бұл соққыға қатысты ресми мәлімдеме жасаған жоқ. Ал «Ахмат» бөлімшесінің өкілдері әдеттегідей «жеңістер мен ерліктер» туралы ақпарат таратуды жалғастыруда. Бірақ үйінді арасында жатқан кітап пен жанып кеткен базаның көрінісі үгіт-насихат пен шынайы өмірдің арасы қаншалықты алшақ екенін айқын аңғартқандай» дейді.
Анықтама үшін:
Апти Алаудинов — Шешенстан басшысы Рамзан Қадыровтың жақын серігі, «Ахмат» арнайы жасағының командирі. Ол өз сөздерінде Ресейдің Украинадағы соғысын жиі «қасиетті соғыс» деп атап, оны діни мағынадағы «ақырзаман шайқасына» теңеумен танымал.