Болгария Мәскеудің қарсылығына қарамастан Ресей азаматтарын АҚШ-қа берді
СОФИЯ – УАШИНГТОН. Болгария билігі Ресей Федерациясының ресми наразылығына қарамастан, санкцияларды бұзды және ақша жылыстатты деп айыпталған Ресейдің екі азаматы — Олег Ольшанский мен Сергей Ивинді АҚШ-қа экстрадициялады https://www.barrons.com/news/bulgarian-court-approves-extradition-of-russian-financier-to-us-9db97071.
Айыптаудың мәні: Донбасс металы және жасырын схемалар
АҚШ-тың құқық қорғау органдарының мәліметінше, Сергей Ивин 2017-2021 жылдар аралығында Донбасс аймағынан металлургиялық өнімдерді заңсыз тасымалдауды ұйымдастырған. Бұл сауданың жалпы сомасы 350 миллион долларды құрайды. Тергеу материалдарында Ивиннің Қырымды аннексиялауға байланысты енгізілген халықаралық санкцияларды айналып өту үшін құжаттарды қолдан жасағаны айтылады.
Сондай-ақ, ол тауардың шығу тегін жасырып, Украинаның бұрынғы президенті Виктор Януковичке жақын саналатын кәсіпкер Сергей Курченкомен байланысын бүркемелеген деп күдіктелуде. Олег Ольшанский де осы іс бойынша негізгі айыпталушылардың бірі ретінде танылып отыр.
Мәскеудің реакциясы мен Софияның шешімі
Ресейдің Сыртқы істер министрлігі бұл оқиғаға байланысты шұғыл мәлімдеме жасап, Болгария тарапына наразылық нотасын жолдағанын хабарлады. Ресей дипломаттары АҚШ-та «адам құқықтарының сақталмауы» мен «ресейліктерге деген біржақты көзқарастың» белең алып отырғанын алға тартып, экстрадицияны тоқтатуды талап еткен болатын.
Асқар Бектұрған, шығыстанушы, қытай тілінің маманы, тәуелсіз саясаттанушы:
Алайда, Болгария соты айыпталушылардың апелляциялық шағымын қанағаттандырмай, 26 наурыз күні оларды АҚШ өкілдеріне тапсырды. Еске сала кетейік, Ивин мен Ольшанский өткен жылдың желтоқсан айында София әуежайында Америка тарапының сұрауымен ұсталған болатын.
Қазіргі таңда Сергей Ивин өзіне тағылған айыптарды толықтай жоққа шығарып отыр. Дегенмен, АҚШ заңнамасына сәйкес, санкцияларды бұзу және ірі көлемде ақша жылыстату баптары бойынша оларды ұзақ мерзімді түрме жазасы күтуі мүмкін.