14 Наурыз-Көрісу күніне орай Жамбыл облысы бойынша Қылмыстық-атқару жүйесі департаментіне қарасты №58 мекемесінде жазасын өтеп жатқан сотталған азаматтар үшін қысқа мерзімді кездесулер ұйымдастырылды, деп хабарлайды Alashorda.kz ақпараттық агенттігі.
Іс-шара аясында сотталған азаматтар өздерінің жақын туыстарымен жүздесіп, хал-жағдай сұрасып, жылы лебіздерін білдірді. Мұндай кездесулер сотталғандардың моральдық-психологиялық жағдайына оң әсер етіп, олардың түзелуіне және қоғамға қайта бейімделуіне ықпал етеді.
Айта кету керек, мекемеде сотталғандардың туыстарымен байланысын сақтау бағытында заң аясында жүйелі жұмыстар жүргізілуде.