Кремль жаппай наразылыққа дайындалуда: Ресейде интернет пен қоғамды бақылау күшейді
Reuters агенттігінің хабарлауынша, Ресей билігі Украинадағы соғыс аяқталғаннан кейін туындауы мүмкін халық наразылығының алдын алу үшін интернет кеңістігі мен қоғамды бақылауды барынша қатаңдатып жатыр. Мәскеудегі кеңселер бұғатталған интернет жағдайында жұмыс істеуге мәжбүр, ал такси жүргізушілері онлайн-навигациясыз жол таба алмай әлек https://www.dw.com/ru/v-rossii-prakticeski-perestal-rabotat-telegram/a-76377231 Негізгі шектеулер мен бақылау шаралары
Соңғы уақытта Ресей үкіметі бірнеше бағыт бойынша қысымды күшейтті:
Мессенджерлерді бұғаттау: Telegram және WhatsApp жұмысына шектеулер қойылды. Билік оның орнына мемлекет бақылауындағы MAX қосымшасын қолдануды насихаттауда.
VPN сервистерімен күрес: Жыл басынан бері 400-ден астам VPN қызметі бұғатталған, бұл өткен жылмен салыстырғанда 70%-ға көп.
Интернетті толық өшіру: Мәскеу, Санкт-Петербург және басқа да ірі қалаларда мобильді интернет мезгіл-мезгіл толықтай сөндіріліп тұрады.
Кремль өкілі Дмитрий Песков бұл шараларды «қауіпсіздік талаптары» және «украиналық дрондардың шабуылынан қорғану» деп түсіндірді. Оның айтуынша, кейбір шетелдік компаниялар ресейлік заңдарды сақтаудан бас тартқан.
Әлібек БАЙБОЛ, Абай атындағы ҚазҰПУ Филология факультетінің аға оқытушысы, «Қыр баласы» ҚҚ Басқарма мүшесі, ҚР Ұлттық құндылықтар академиясының толық мүшесі, әдебиеттанушы-ғалым, алаштанушы: Тарихи қорқыныш: 1991 жылғы сценарий көз алдымызға келеді.
Бұл жайлы сарапшы Андрей Солдатов «Ресей басшылығы мен арнайы қызметтері 1991 жылды жақсы біледі. Ауған соғысы аяқталған соң КСРО-ның ыдырауы мен хаосқа ұласқаны олар үшін үлкен сабақ болды», — дейді.
Дипломаттар мен сарапшылардың пікірінше, Кремльдің басты мақсаты — соғыс аяқталғаннан кейінгі ішкі тұрақтылықты сақтау.
Қазіргі уақытта Ресей билігі Қытай мен Иранның интернетті оқшаулау тәжірибесін зерттеп, мобильді және стационарлық желілердің жекелеген сегменттерін бұғаттау жүйесін жасап жатқаны айтылуда.
IT-алпауыттардың реакциясы
Павел Дуров (Telegram негізін қалаушы): «Мемлекет өз халқынан қорқады. Бұл — өте өкінішті көрініс. Билік сөз бостандығы мен жеке өмірге қол сұғылмаушылық құқығын тұншықтыруға тырысуда», — деп мәлімдеді.
Meta компаниясы (WhatsApp иесі): WhatsApp-тың бұғатталуын Ресей азаматтарының қауіпсіздігін қамтамасыз етудегі «кері қадам» деп атады.
Тұрғындардың пікірі
Ресейлік жастар бұғаттауды саяси себеппен емес, күнделікті өмірдегі ыңғайсыздық ретінде қабылдауда. Instagram мен Snapchat-қа үйренген қолданушылар жаңа VPN түрлерін іздеп әуре. «Егер бұл егде жастағы саясаткерлер бәрін бұғаттағысы келсе, неге бізге қызықты отандық бағдарламалар ұсынбады?» — дейді Мәскеу тұрғындарының бірі.