Алматыда мөлдір қабығын трансплантаттау арқылы екі пациенттің көру қабілеті қайтарылды

Донорлық жүректі мультағзалық алу нәтижесінде пациентке Астанадағы Ұлттық ғылыми медициналық орталықта ауыстырып қондыру жүргізілді, операция сәтті өтті, реципиенттің жағдайы қанағаттанарлық.

Сондай-ақ, бүйрек Астанаға жіберіліп, балаларға трансплантатталды, екі трансплантаттау да сәтті аяқталды.

Алматыда алғаш рет Орталық қалалық клиникалық аурухананың базасында офтальмология меңгерушісі Гүлзат Әбдірамова екі көз алмасын алуды сәтті жүргізді.

Бұл басқа екі пациентке кератопластика арқылы операция жасауға – көздің қабығын трансплантаттауға  мүмкіндік берді. Операциялар сол күні жүргізіліп, сәтті өтті. 

Мөлдір қабықты трансплантаттаудың ерекшелігі – оны алып тастағаннан кейін қысқа мерзімде- ең жақсысы бірінші күні трансплантаттау керек. Әйтпесе, тіндер қасиеттерін жоғалтады, трансплантаттауға жарамсыз болады, бұл пациенттердің көру қабілетін қалпына келтіру мүмкіндігін жояды.

Пациенттерде кератопатия буллозасы және мөлдір қабықтың бұлыңғырлығы болды – оның құрылымы бұзылған, ісіну мен көпіршіктер (буллалар) пайда болатын ауыр мөлдір қабық ауруы, бұл толық соқырлыққа дейін көру қабілетінің қатты төмендеуіне әкеледі. 

Бұл патологияны емдеудің жалғыз түпкілікті әдісі – бұл мөлдір қабықты трансплантаттау. Донорлыққа және Орталық қалалық клиникалық аурухана дәрігерлерінің жоғары біліктілігінің арқасында екі пациент те көру қабілетін қалпына келтіруге және толыққанды өмірге оралуға мүмкіндік алды. Операциядан кейінгі кезеңде олар көру функциясының жақсаруын болжайды.

Донор геморрагиялық инсультпен Орталық қалалық клиникалық ауруханаға түскен пациент болды. Екі күннің ішінде оған ҚР Денсаулық сақтау министрлігінің хаттамаларына сәйкес толық көлемде медициналық көмек көрсетілді, дәрігерлік консилиумдар өткізілді. Мамандардың барлық күш-жігеріне қарамастан, пациенттің өмірін сақтап қалу мүмкін болмады – биологиялық өлім болды.

Пациенттің қайтыс болғаннан кейін ағзалардың донорлығына ресми келісімі болды, сондай-ақ оның жақын туыстары жазбаша түрде тиісті рұқсат берді.
Осылайша, бір адамның донорлығына келісімнің арқасында еліміздің әртүрлі өңірлерінде бірден бірнеше пациенттің өмірі сақталып, жақсартылды. Бұл Қазақстан трансплантологиясын дамытудағы және өлімнен кейінгі донорлық мәдениетін қалыптастырудағы маңызды қадам.