Әбілқайыр Оңғар Шымкент қалалық жайлы ортаны дамыту басқармасына басшы болды
Қала әкімінің өкімімен жайлы ортаны дамыту басқармасына басшы болып Оңғар Әбілқайыр Бақытқалиұлы тағайындалды.
Әбілқайыр Бақытқалиұлы 1994 жылы 25 шілдеде Оңтүстік Қазақстан облысы, Бәйдібек ауданы, Боралдай ауылында дүниеге келген.
М.Әуезов атындағы Оңтүстік Қазақстан мемлекеттік университетінің және КАЗГЮУ университетінің түлегі.
Мамандығы бойынша біліктілігі — экономика және бизнес, құқықтану.
Еңбек жолын 2016 жылы Оңтүстік Қазақстан облысы табиғат пайдалануды реттеу басқармасының инспекторы қызметінен бастады.
2016-2017 жылдары Оңтүстік Қазақстан облысы энергетика және тұрғын үй-коммуналдық шаруашылық басқармасының бас маманы, 2018-2023 жылдары Шымкент қаласы Абай ауданы әкімінің аппараты халықпен жұмыс жүргізу бөлімінің бас маманы, бөлім басшысы қызметтерін атқарды.
2023 жылдың 13 наурызынан бастап бүгінгі күнге дейін Шымкент қалалық жайлы ортаны дамыту басқармасы басшысының орынбасары қызметін атқарып келді.
Сайтымыздың мобильді қосымшасын жүктеп алыңыз.
