Home›Ақпарат›Азиада-2025: шайбалы хоккейден Қазақстан ерлер құрамасы плей-офф кезеңіне бірінші орынмен шықты

Азиада-2025: шайбалы хоккейден Қазақстан ерлер құрамасы плей-офф кезеңіне бірінші орынмен шықты

10.02.2025, 14:17

Шайбалы хоккейден Қазақстан ерлер құрамасы 2025 жылғы Азия ойындарының топтық кезеңінде соңғы матчын өткізді.

Қазақстан құрамасы соңғы ойында Оңтүстік Кореямен кездесті. Қарсыластар бірінші кезеңде есеп ашты.

Тартысқа толы матчта отандастарымыз 2:1 есебімен басым түсті. Үшінші кезеңнің соңғы минуттарында Роман Старченко жеңіс шайбасын соқты.

Осылайша Қазақстан ерлер құрамасы топтық кезеңнен бірде-бір жеңіліссіз плей-офф кезеңіне шықты.

Сурет: Сали Сабиров, ҚР ҰОК баспасөз қызметі