Сара Назарбаеваның жағдайы күрт нашарлағаны айтылды
Тұңғыш президент Нұрсұлтан Назарбаевтың бұрынғы әйелі Сара Назарбаеваның денсаулығы нашарлаған, деп хабарлайды Аlashorda.kz сайты Ulysmedia.kz-ке сілтеме жасап
«Қазақстанның тұңғыш президентінің отбасы шеңберіне жақын дереккөздің мәліметінше, бұрынғы мемлекет басшысының зайыбы Сара Алпысқызының жағдайы ауыр, ал дәрігерлер оның өмірін сақтап қалуға дәрменсіз»,—деп жазды БАҚ.
Сара Алпысқызы 1941 жылдың ақпанында Қарағанды облысында дүниеге келген. 1962 жылы Нұрсұлтан Назарбаевпен отау құрған. Кейін ол «Бөбек» халықаралық балалар қайырымдылық қорын, «SOS – Қазақстанның балалар ауылдары» қорын құрды және еліміздің білім беру жүйесіне өзгерістер енгізуге тырысты. Оның бастамасымен мектептерде өзін-өзі тану пәні енгізілді. Алайда бұл идея кейіннен тоқтатылды.
Еске салайық, былтыр желіде Сара Назарбаеваның қайтыс болғаны туралы ақпарат тараған болатын. Алайда Нұрсұлтан Назарбаевтың кеңесшісі әрі баспасөз хатшысы Айдос Үкібай бұл хабарды жоққа шығарды.
Сайтымыздың мобильді қосымшасын жүктеп алыңыз.
