«Тәртіпке бағынған құл болмайды»

Жамбыл облысы әкімдігінің «Дін проблемаларын зерттеу орталығының» бөлім басшысы Ерзат Жақыпов кез келген мемлекеттің қауіпсіздік мәселесі әр қашанда өзекті екенін айтады.  Сондықтан да ол адамдардың түр-сипатын тануға кедергі келтіретін ниқаб сынды киімдерді қоғамдық орындарда киюге тыйым салатын заң қабылданғанын тілге тиек етті.

«Бұл ретте заңға енгізілген аталған өзгеріс тек ниқабқа ғана қатысты емес, қоғамдық орындарда бет әлпетін анықтауға кедергі келтіретін кез-келген киімдерге қатысты екенін атап өткен жөн.

Осы норма адамдардың діни сенімін шектеуге бағытталмағанын, бұл тек азаматтарымыздың қауіпсіздігін қамтамасыз ету мақсатында қабылданған шара екенін түсінгеніміз абзал.

Тіпті шариғат тұрғысынан қарастырсақ та,  құран аяттарында беттеріңді тұмшалаңдар дейтін бірде бір аят және хадис жоқ. Керісінше Құран Кәрімінің Нұр сүресінің 31 аятында «Мүмін әйелдерге де айт: Бөгде ерлерден көздерін сақтасын. Әрі ұятты жерлерін (зинадан) қорғасын. Сондай-ақ зейнеттерін көрсетпесін. Бірақ олардың өзіндігінен көрінгендері басқа (беті, қол-аяқтары). Және бүркеншіктерін омырауларына түсірсін» деген.

Сондықтан Бауыржан Момышұлы атамыз «Тәртіпке бағынған құл болмайды» деп айтқанындай, отандастарымызды заң талаптарын сақтауға шақырамын», – дейді Ерзат Жасқанбайұлы.