Израиль оқшауланып қала ма? Иерусалим Трамптың «мәмілесіне» қарамастан соғысты тоқтатпақ емес
Уашингтон мен аймақ астаналарында Трамп әкімшілігі мен Теһеран арасындағы ықтимал келісім туралы қауесеттер тарап жатқанда, Израильдің әскери-саяси элитасы нақты мәлімдеме жасады: Иерусалим дипломатиялық ойындардың Иранның әскери машинасын талқандау жоспарына кедергі келтіруіне жол бермейді https://haqqin.az/democracy/379413.
Эфи Дефрин: «ЦАХАЛ-дың жоспары өзгермейді»
ЦАХАЛ-дың ресми өкілі Эфи Дефрин арнайы брифингте Израиль әскерилері Иран мен Ливандағы операцияларын «бастапқы жедел жоспарға сәйкес» жалғастыратынын мәлімдеді. Бұл мәлімдеме одақтастар арасындағы мақсаттардың алшақтығын көрсетіп отыр.
Дональд Трамп үшін «Эпикалық қаһар» операциясы — тек «Ғасыр мәмілесіне» жету құралы. Оның жоспарына байытылған уранды елден шығару және санкцияларды толық алып тастау айырбасы кіруі мүмкін. Ал Израиль үшін бұл соғыс — аятоллалар жарты ғасыр бойы құрған аймақтық террор инфрақұрылымын физикалық тұрғыдан жоюдың бірегей, «алтын» тарихи мүмкіндігі.
Ерік Қайратбекұлы Құнанбай қажы атындағы «Алаш аудармашылар одағы» Қоғамдық Қорының төрағасы, тәуелсіз саясаттанушы:
Уақытпен жарыс: «Ысқырық» шалынғанға дейін үлгеру
Израильдің стратегиясы алғашқы күннен-ақ прагматикалық болды: Трамп «тоқта» деген белгі бергенше, Иранның әскери нысандарына барынша соққы беру. Қорғаныс саласындағы дереккөздер қазіргі кезеңді «уақытпен жарыс» деп сипаттайды.
«Бізде бұрын-соңды Иранмен тікелей соғыста мұндай деңгейдегі одақтас болған емес. АҚШ-тың әуедегі жанармай құюшылары, нақты уақыттағы барлау мәліметтері мен оқ-дәрілердің шексіз ағыны — бұл қайталанбауы мүмкін сыйлық», — дейді Иерусалимдегі әскери сарапшылардың бірі.
Егер Трамп жақын күндері операцияны тоқтату туралы шешім қабылдаса, Израиль «жеделдетілген жою» режиміне көшеді. Олар Натанз, Исфахан және Фордодағы басым нысандарды АҚШ қолдауын тоқтатқанға дейін қиратуға тырысады.
Режимнің әлсіреуі — халықтың мүмкіндігі
Иерусалим Иранның өз еркімен зымыран бағдарламасынан немесе прокси-күштерінен бас тартатынына күмәнмен қарайды. Бұл аятолла режимі үшін өзін-өзі өлтірумен тең.
Сондықтан Израиль режимнің күштік аппаратын әлсіретуге назар аударуда. Логика қарапайым: Ислам революциясы сақшылар корпусының (ИРСК) инфрақұрылымын жою режимді ел ішіндегі қарсылықты басу құралдарынан айырады. Ал зымыран зауыттары мен қоймаларын жою Иранды өз халқының алдында дәрменсіз етеді.
Ақиқат сәті
Трамп үлкен дипломатиялық ойындарын жүргізіп жатқанда, ЦАХАЛ Иранның айналасындағы «отты шеңберді» әдістемелік түрде бөлшектеуді жалғастыруда. Иерусалим нақты месседж жолдады: еврей мемлекетінің қауіпсіздігі келіссөз үстеліндегі сауда нысанына айналмайды.
Кез келген «қағаз жүзіндегі» келісім режимге қайта күш жинауға мүмкіндік берсе, бұл Израиль үшін келесі соғысты бұдан да нашар жағдайда және, бәлкім, толық оқшаулануда жүргізу дегенді білдіреді..
Израиль оқшауланып қала ма?
