Ақмола облысының Есіл ауданында тұрғын үйлер салынуда
ҚР Өнеркәсіп және құрылыс министрлігі су тасқынынан зардап шеккендердің баспанасын қалпына келтіру шараларын жалғастыруда деп хабарлайды Alashorda.kz сайты ҚазАқпарат-қа сілтеме жасап.
Есіл ауданындағы Есіл қаласында зардап шеккен 21 отбасыға жаңа үйлер салынуда. Құрылыс барысын gov.kz порталы арқылы онлайн бақылауға болады.
«Сондай-ақ 189 үйде жөндеу жұмыстары жалғасып жатыр, 13 отбасыға тұрғын үй сатып алынып, алдағы уақытта тағы 3 отбасыға үйдің кілттері табысталады. Құрылыс-жөндеу жұмыстарының болжамды аяқталу мерзімі жаздың соңына дейін», — деп жазды министрліктен.
ҚР Өнеркәсіп және құрылыс министрлігі Ахуалдық орталығының мәліметі бойынша Ақмола облысында барлығы 1 265 нысанға техникалық тексеру жүргізіліп, оның нәтижелері бойынша келесі шаралар жоспарланған:
— 331 тұрғын үй құрылысы — 273-і басталды;
— 220 тұрғын үй сатып алу — 192 үй сатып алынды;
— 714 тұрғын үйде жөндеу жұмыстарын жүргізу.
Сайтымыздың мобильді қосымшасын жүктеп алыңыз.
